२२ साउन, पथरी । इन्ट्रा नेशनल वेलफेयर एण्ड सपोर्ट फाउन्डेसन अमेरिकाले पथरी नगर अस्पताललाई प्रदान गरेको एम्बुलेन्स सोमबार विधिवत् रुपमा उद्धाटन गरी सञ्चालनमा ल्याइएको छ ।
पथरी शनिश्चरे नगरपालिका परिसरमा सोमबार नगर प्रमुख मोहन प्रसाद तुम्वापोले रिवन काटेर चाबी चालकलाई हस्तान्तरण गरी सो एम्वुलेन्स सञ्चालनमा ल्याएको हो । सो कार्यक्रममा नगरका स्वास्थ्य शाखा प्रमुख मुरारी आचार्य, इन्ट्रा फाउण्डेसन नेपालका संयोजक राम बानिया, वडाअध्यक्षहरू नैना राई, लोककिरण न्यौपाने, वीरबहादुर राई र नगर खेलकुद विकास समितिको संयोजक दीपक राईको उपस्थिति रहेको थियो ।
