पाल्पा, तिनाउँ गाँउपालिका–३ हेडबक्समा गुडी रहेको बसमा माथिबाट ढुङ्गा खस्दा पाँच जना घाइते भएका छन् । २० जना यात्रु लिएर पाल्पाबाट बुटवल जाँदै गरेको लु १ ख ६१८० नम्बरको बसमा माथिबाट खसेको ढुङ्गाले लाग्दा शनिबार दिउँसो चालकसहित पाँच जना घाइते भएका हुन् ।
घाइते हुनेमा तिलोत्तमा नगरपालिका–४ का ३५ वर्षीय चालक कमल राउत, बसमा सवार वालिङ्ग नगरपालिका १४ कि ३८ वर्षीया रोमादेवी डुम्रे, नौतुना भारतकी २६ वर्षीया श्रीमाया साहानु र तिनाउँ–६ पाल्पाका ५२ वर्षीय टिकाराम भण्डारी र माथागढी गाँउपालिका–५ का २३ वर्षीइ संतास चौहान रहेका छन् । घाइतेहरुको अञ्चल अस्पताल बुटवलमा उपचार भैरहेको प्रहरीले जनाएको छ ।
