बस दुर्घटना हुँदा पाँच जना घाइते

धादिङ, धादिङमा बस दुर्घटना हुँदा पाँच जना घाइते भएका छन् ।आइतबार बिहान नेत्रावती डवजोङ गाउँपालिका सेमजोङबाट धादिङबेंसीका लागि छुटेको बा ४ ख ५७९३ नम्बरको बस केराम्जामा दुर्घटना भएको छ ।

बस तिब्र गतिमा भएकाले अनियन्त्रित भई सडकबाट करिव एक सय मिटर तल बस खसेको थियो। बसका चालक र सहचालक दुर्घटना पछि फरार रहेका छन् भने उनीहरूको खोजी कार्य जारी रहेको जिल्ला प्रहरी कार्यालय धादिङले जनाएको छ ।

घाइते हुनेमा नेत्रावती डबजोङ ५ का ५८ वर्षीय दल बहादुर तामाङ, सोही ठाउँ बस्ने ६९ वर्षीया हस्त कुमारी तामाङ, २० वर्षीया लक्ष्मी गुरुङ, ४५ वर्षका चेन्डे दमाई र ६० वर्षकी शान्तमाया गुरुङ रहेका छन् । घाइते भएका सबैको उपचार जिल्ला अस्पताल धादिङमा भइरहेको प्रहरीले जनाएको छ ।

Leave a Reply

Your email address will not be published.