एजेन्सी । बलिउडका कमेडीयन कपिल शर्मालाई डिप्रेशन भएपछि शरीरको वजन निकै बढेको थियो ।
तर यतिबेला लकडाउनको समयमा उनले आफ्नो फिटनेशमा निकै मेहनत गरेपछि उनको शरीर फिट देखिएको छ ।
कमेडियन एक्टर शर्माले सञ्चालन गरेको द कपिल शर्मा शोको पछिल्लो केही एपिसोडहरुमा कपिललाई फिट देखिँदै आएको छ ।
उनले शरीरको धेरै वजन कम गरेका छन् । उनको शरीरको फिटिङ हेर्दा तीन वर्ष पुरानो अवतारमा फिर्किएको जस्तो देखिन्छ ।
उनी आफैले पनि कपिल शर्मा शोमै आफू ११ केजी वजन घटेको बताएका छन् ।
सामाजिक सञ्जालमा एउटा भिडियो शेयर गर्दै कपिलले आफ्नो शरीरको तारिफ गर्दै ९२ केजी वजनबाट घटाएर ८१ केजीमा झारेको बताएका छन् ।
शरीरको वजनका कारण ठूलो पर्दाबाट टाढा भएका कपिल अब भने पुनः अभिनयको संसारमा पाइला राख्दैछन् ।
उनी एउटा वेभ सिरिजमा प्रमुख भूमिका निभाउने तयारीमा छन् । कपिल उक्त नयाँ प्रोजेक्टका लागि निकै उत्साहित देखिन्छन् ।
