दमक/ दमकको वडा नं. २ को कार्यालयमा काम लिएर गएकी ४० वर्षीया सेवाग्रही एक महिला कार्यालयको बोर्ड खसेर घाइते भएकी छिन् ।
कार्यालयको काम लिएर वडा कार्यालय पुगेकी दमक–२ की विन्दा सुवेदीलाई अचानक कार्यालयमा राखेको बोर्ड खसेर टाउकोमा लागेपछि घाइते भएकी हुन् ।
उनको उपचारका लागि दमकस्थित आम्दा अस्पताल लगिएकोमा आम्दा अस्पतालले पनि विराटनगरस्थित न्यूरो अस्पताल रेफर गरेको बताइएको छ ।
पानी परिरहेको समयमा माथिल्लो तलामा राखिएको बोर्ड भुँइमा खस्दा ती महिलाको टोउकोमा चोट लागेको र उनको उपचारको व्यवस्था वडाबाटै गरिने समेत दमक–२ का वडाध्यक्ष प्रजापति सापकोटाले बताएका छन् ।