पर्सा, पर्सामा स्रोत नखुलेको रकमसहित दुई जना पक्राउ परेका छन् । वीरगञ्ज महानगरपालिका–४ नारायणी अस्पताल अगाडि सडकमा चेकजाँचका क्रममा ना४९प ६८२४ नम्बरको मोटरसाइकलमा आएका ४५ वर्षीय आवाश अलि र ना५७प ३०६ नम्बरको मोटरसाइकलमा आएका उनका छोरा २२ वर्षीय अस्ताक आलमलाई पक्राउ गरेको हो ।
उनीहरुको साथबाट स्रोत नखुलेको १२ लाख ४ हजार ५ सय रुपैयाँ बरामद भएको जिल्ला प्रहरी कार्यालय पर्साले जनाएको छ । उनीहरु हुण्डि कारोरबारी हुनसक्ने भन्दै प्रहरीले थप अनुसन्धान सुरु गरेको छ ।
