भोजपुर, भोजपुरको षडानन्द नगरपालिका–१३ पाताल स्थितमा कुटपिट गर्ने ४ जना पक्राउ परेका छन् । आततबार साँझ ७ बजेको समयमा मलामीबाट फर्किने क्रममा स्थानीय ४० वर्षीय ईन्द्रध्वज तामाङ र अन्दाजी ३३र३४ वर्षीय अम्मर बहादुर तामाङलाई कुटपीट गर्ने सोही स्थान बस्ने ३१ वर्षीय रिकमान तामाङ, ३६ वर्षीय प्रेम मणि तामाङ, ३५ वर्षीय चन्द्र कुमार तामाङ र २१ वर्षीय सन्तबिर तामाङलाई प्रहरीले पक्राउ गरेको हो ।
कुटपिटबाट दुवै जना घाइते भएका छन् । घाइते दुई जनाको स्थानीय स्वास्थ्य चौकी बोया भोजपुरमा उपचार भईरहेको छ । प्रहरीका अनुसार पुरानो रिसिबीको कारण चार जनाले दुईजनालाई कुटपिट गरेका हुन् । कुटपिट गर्ने चारै जनालाई प्रहरी चौकी बोयाले नियन्त्रणमा लिएको जिल्ला प्रहरी कार्यालय भोजपुरले जनाएको छ
