प्रधानमन्त्री पुष्पकमल दाहालकी पत्नी सीता दाहालको निधन भएको छ । थापाथलीस्थित नर्भिक अस्पतालमा उपचारका क्रममा उनको आज बिहान ८ बजेर ३३ मिनेटमा निधन भएको हो । अहिले प्रधानमन्त्री दाहालसहित माओवादी नेताहरू नर्भिक अस्पतालमा भेला भएका छन् ।
प्रधानमन्त्री पुष्पकमल दाहाल प्रचण्डकी पत्नी सीता दाहालको शव अन्तिम श्रद्धाञ्जलीका लागि बिहान ११ बजे माओवादी केन्द्रको पेरिसडाँडास्थित केन्द्रीय कार्यालयमा राखिने भएको छ । सीता दाहाल लामो समयदेखि अर्धचेत थिइन् ।
११ बजेदेखि १ बजेसम्म पार्टी केन्द्रीय कार्यालय श्रद्धाञ्जली दिइने र त्यसपछि दिउँसाे २ बजे पशुपति आर्यघाटमा अन्तिम संस्कार गरिने दाहाल सचिवालयले जनाएको छ ।
){kind=link}
