सवारी दुर्घटना स् कारण भेटिन्छ, समाधान खोजिन्न

मुलुकभर सवारी दुर्घटनाबाट दिनहुँ ७ जनाको मृत्यु हुने गरेको छ । गत आर्थिक वर्षमा मात्रै मुलुकभर १३ हजार ४२१ दुर्घटनामा २ हजार ७६२ जनाको मृत्यु भयो । प्रहरीको ट्राफिक निर्देशनालयअनुसार तीमध्ये ९ हजार ९४० दुर्घटनाका कारण चालकको लापरबाही हो ।

पछिल्ला ८ वर्षमा काठमाडौं, भक्तपुर र ललितपुरमा ४६ हजार दुर्घटना भए । त्यसमा १ हजार २३६ जनाले ज्यान गुमाए । २ हजार १४५ जना गम्भीर र ३२ हजार ६९५ जना सामान्य घाइते भए । गत वर्षका ८ हजार सवारी दुर्घटनामा ५०८ जनाले ज्यान गुमाए । यसअनुसार उपत्यकामा मात्रै दुर्घटनाबाट दिनहुँ एकभन्दा बढीले ज्यान गुमाउने गरेका छन् ।

०७०र७१ मा भएका ८ हजार ४०६ दुर्घटनामध्ये ६ हजार ५ र ०७१ र७२ मा ९ हजार १४५ दुर्घटनामध्ये ६ हजार ६०९ चालको लापरबाहीका कारण भयो । महानगरीय ट्राफिक प्रहरी महाशाखाले यी दुर्घटाको कारणको विश्लेषण गरेको छ । महाशाखाले दुर्घटनाका ९ कारण पत्ता लगाएको छ भर समाधानका उपाय भने खोजिएको छैन ।
(मकर श्रेष्ठ)
कान्तिपुर दैनिकबाट साभार

Leave a Reply

Your email address will not be published.